ГӀалгӀай къаман
юкъара газет

ГIалгIайчен къахьегама Министерствос 2022 шера жамIа дир

Руководитель Минтруда РИ Хаджибекир Муталиев доложил Главе республики Махмуду-Али Калиматову об итогах осуществленной ведомством в 2022 году деятельности. Он отметил исполнение на 99% целевых показателей по региональному проекту «Финансовая поддержка семей при рождении детей».

Карарча шера вайцигарча бахархошта даь новкъостал 9 млрд сом да. «Президентски» оалаш дола берий пособеш дIаденнад 6 млрд сом.

Хьажбикара иштта белгалдир, социальни министерствос вахар Iалашдеш баь болх а дукха хилар. Царех дар пенсеш далар, къахьегама, тIемаза йолча моттигашка къахийгача наха новкъостал дар, Сийлахь-боккха Даьймехка тIем тIа хиннарашта новкъостал дар, болх боацаш бисача наха гIо дар, тайп-тайпара ахчаш дIадалар, таро йоацача наха новкъостал дар, иштта кхыдараш а.

Къахьегама Министерствон кулгалхочо иштта белгалдир болх боацача наьха хьал аттача даккхара, царна хьабе болх лахара, вахара контрактникий кIийлен тIа бахархой хьаллацара массаза а новкъостал лоаттадаьд, аьнна.

Махьмуд-Iаьлас белгалдир цу боахама болх лакхача боарам тIа латташ хилар, иштта цо тIадиллар, толамаш кхы лаьгI ца деш, къахьега, аьнна.

«Аз теркалду, оаш болх мишта бу, со раьза ва шун балха. Белгалдаккха безам ба са, Россе президента хьахьожадаь берий ахчаш дIадалара болх а оаш нийса дIахьош хилар. Цу хьакъехьа цхьаккха а хаттар, нах раьза боацаш хиларца дувзаденна, къахьегама министерствон уж латкъаш, сона тIаденадац. Иштта дIахо а шо дIадахар ловра сона», — аьлар ГIалгIай Республикан кулгалхочо. Махьмуд-Iаьлас белгалдаьккхар, деррига социальни дешаш законах доаггIача беса кхоачашдеш хила дезара.

Иштта белгалдир цо, вай республике хьабаьхкача ЛНР, ДНР республикашкара а, кхычахьара а бехача наьха вахара хьашташ кхоачашде деза, аьнна.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде