Дукха бераш дараш «Шера дезал» яхача яхье дакъа лаца хьех
ГӏалгӀайче дӀайолаелар «Шера дезал-2025» яха Ерригроссийски яхь. Республикан Ӏаьдало мехкара дукха бераш дараш бех цига дакъа лаца.
Карарча шера, оргкомитето ялх керда оагӀув кийчйир: «Дукха дезал бола нана», «Къона дезал», «Юртара дезал», «Дошо дезал», «Дезал -Ӏадаташ лорадераш», «Дезал - Даьхе лораераш».
ГӏалгӀайчен Кулгалхочо белгалдир из яхь дӀаяхьаро мехка дезалий Ӏадаташ гойта таро хургья, цар боарам бовза а йиш хургья.
«Карарча шера чулоацамо Россе керттердараш хьагойт, уж да ноахал тӀаэцарга кийчо яр, Даьхе лораерий сий дар. ГӏалгӀай къаман дезал - из эггара лакхагӀа мах бар да, из да вахара керттера маӀан. Цига да гадаккхар, новкъостал дар, шоайла кхеташ хилар», - аьлар Келаматанаькъан Махьмуд-Ӏаьлас.
Республика цу юкъе хӀанз иттазлагӀа дакъа лоацаш я, къаьстта теркам тӀабохийт Даьхен лорбой дезалашта. Царца дувзаденна керда дакъа да-«Дезал - Даьхе лораераш».
