ГӀалгӀай къаман
юкъара газет

Кердадараш

Кагирхой Даьла духьа гӀулакх де Ӏомалу

ГӀалгӀайчен къонача волонтёраша дакъа лаьцар дешара программа хьаеллача, укх бӀаьсти уж хургба Соче дӀаяхьа лерхӀача Ерригроссе волонтёрий фестивале дакъа лоацаш, - аьлар «Сердало» корреспондентага ГӀалгӀай Республикан кагирхой гӀулакха йолча комитете.

«Къона, хьинар дола нах Ӏомабар лоархӀаме да. Мехка эггара чӀоагӀагӀа сатувсаш йола Ерригроссе кагирхой фестиваль дӀахьоргья, 2024 шера тушола бетта цхьоалагӀча денгара ворхӀлагӀча денга кхаччалца. Цудухьа накъайоалаш я дешара программа.

Къилбаседа Кавказа федеральни университете кагирхоша дунен тайп-тайпарча мехкашкара дола профессиональни хаттараш дӀа-юха дийкъар», - аьлар къонабарий гӀулакхех бараша.

«Цу тайпара йоккха кхетаче дӀахьош, из болх бовзаш бола лоӀамхой эшаргба. Тха декхар да дика говзал цигара хьаэцар, из кхетаче дӀахьош тӀадилла декхар лерттӀа кхоачашдар», - аьлар дешара ишкола цхьан доакъашхочо ТӀолданаькъан Ислама.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде