«Цун викалаша «Ветераний цӀенна» кулгал деча Налганаькъан Русланаца кхетаче йир дӀадахача кӀира. Экскурси яь, цигара моттигаш йовзийтар кагирхошта. Пхе шера бувзам лелабе цар яьча чӀоагӀоно хьахьокх, зӀамагӀчар боккхагӀчарна гӀо деш дола вай къаман беркате Ӏадат. Кагирхоша гӀо дергда могаш боацарашта вахаре нийслуча гӀулакхашца, масала, тика тӀа баха, молха эца, дарбанче дӀабига, кхычахьа дӀабаха безаш нийслойя, иштта ахча гулдеш гӀо дергда. «Ветераний цӀено» къоначарна гӀо дергда болх-моттигаш лахарца, мах бала ца безаш, дӀа-хьа аха йиш хиларца», — йоах тхогарча хоамо. «Бокккхийчарна новкъостал дар-вай къаман тхьовра денз хьадахьаш дола хоза, беркате Ӏадат да. Цу гӀулакхо лораю вайна юкъера юкъ», — белгалдир Оздой Инала.