«ЦӀихезача селий поэта Гамзатов Расула 100 шу дизара кхетаче дӀахьош; гулъеннаяр Къилбаседа Кавказа доазон тӀара, Астраханера, Калугера, Краснодарера — ерригаш 11 моттигера командаш. «Главрыба» яхача къаман туристически фусамашка дӀадихьа ловзар шин даькъа дийкъа дар. Хьалхарча даькъе хинна хаттараш «Фу? Мичахьа? Маца?» дар, цул тӀехьагӀа яхьашка баьлар «Ший ловзар» яхача йоазонца дувзаденнача хаттарашца. ГӀалгӀайчера «Хьаькъала боадонгара» яха команда котъяьннарех цаӀ хилар. Иштта Сулакски чӀоже, «Нохчо» яхача хьагӀар чу хилар уж баха», — аьлар хоамо. Белгалдаккха дезаш да, из вӀашагӀделлар «Идальго» яха Селий Республикан ОО, «Кагирхой хьашташ дегӀадоаладара Центр» йолга, царна новкъостал даьд Селий Республикан кагирхой гӀулакхех йолча министерствос, РЖД, иштта Селий Республикан Ӏилмани дешареи министерствос, «Россия — са истори» яхача исторически парка, Дербент-Шахьара администраце. «ГӀалгӀайчен кагирхой гӀулакхех йолча комитета баркал ала лов, цига дакъа лаца таро хиларах, цар новкъостал даьдецаре, из вӀаштӀехьадаргдацар», — йоах цига дакъа лоацаш хиннарех цхьанне.