«Гӏо дечар ишколе» аренца ӏомалуш хилар мехкара къонабараш
Мехкарча Миннаца хьаллоацаш йолча «Къона гӏонча» яхача проектага гӏолла, вахаре накъадаргдола хӏамаш ӏомадеш ба кагирхой. Хатара юкъе нийсвеннача сагага хьажар мишта хила деза ӏомадеш, дешара аудиторешкара арабаьнна, эрий ара гулбелар къонабараш. «Гӏо дечар ишколага» гӏолла, моллагӏча халача хьале кхаьчача сага МЧС болхлой оарцагӏбахкар мишта хул бӏаргадайра царна.
«Цу кхетаче дакъа лоацаш хилар ишколашкара, колледжашкара, иштта мехкарча кхыйолча вузашкара гулбенна къонабараш. Белгалде деза иштта дӏахьоча балхо къонача тӏехьен дукха хӏама довзийтилга. Цу юкъе да гӏо ийшачунга хьажар, из гӏулакх лерттӏа чакхдаккха хар», - дийцар «Сердалога» цу кхетачен хьалха латтараша.
Тоабанца болх дӏабахьа, моллагӏа дагадоаца хӏама ийккхача беха, корзагӏбаьнна ца а хьовзаш, боаггӏача боараме гӏо де хьажа ӏомалуш хилар къонабараш. Вахаре царна накъадаргдола хӏамаш да проектага гӏолла доаржадераш.
