«ГӀалгӀайх массаза а оал, камаьрша къам да. Халача хьале эттача наха гӀо мишта ду хьай бӀаргашта гуш хиларо дог гӀоздоаккх. Палестинера баьхка вай йижарий, вежарий цецбаьннабар цу тайпара теркам шоай барах, хӀаьта ифтара хьалха деш дола ламаз а дир хьаьшашца цхьана», - аьлар «Сердало» газетага Яражанаькъан Адама.

Уж нах дӀа-юха бигара йолча транспортаца, цар берашта совгӀаташ даларца, царга массанега марха дастийтарца новкъостал даьраш вай бахархой бар. Дагахьа Даьлах тешар чӀоагӀа хиларо новкъостал ду наха, гонахьарча нахаца хоза гӀулакхаш леладе.