Прокуратура къона болхлой музее баьхка хилар
28.12.2023 11:20
ГӀалгӀай паччахьалкхен музее гӀолла го боаккхаш хилар, вай прокуратурера къона болхлой. Из хоам тха газетага бир цигарча наха.
«Къонача болхлошта довза деза къаман истори. Сийдолча вай мехкахоех дараш, къаман истореца дувзаденнараш дайзар царна музее.
Деналца, майралца духьала латташ, моастагӀа вохавеш, Даьхен сий лорадеш лаьттараша хьабена атта боаца никъ байзар царна. Прокуратуран болхлой шоай къаман селхане йовзаш, эздийча къонгий цӀераш лоархӀаш хила беза», - йоах тхогарча хоамо.
Доккха баркал аьлар хьаьшаша музея болхлошта. Из тайпара болх прокуратуре дӀахо а бергболаш ба.
