7 млн ахча лочкъадаьд зуламхочо вай мехкарча яхархочунгара
Тийшача балхаца, вай мехкарча яхархочунгара 7 млн ахча лочкъадаь зуламхой лохаш я Наьсарера полици. Из хоам «Сердало» газетага бир МВД болхлоша. «Полице латкъа енача кхалсага дийцар, оапаш бийца, шийгара зуламхоша 7 млн рузкъа лочкъадарах.
«BUSINESS» яхача интернетерча программага гIолла болх бе лаьрхIа хиннай из, ший ахча зуламхоша хьаоттаяьча номерах дIатIаeхийташ. 7 млн ахча хьаIайча, «БИНАНС» яхача криптовалютни оалача бирже дIалаьцад цун ахча», - йоах Iаьдала болхлоша. Иштта дола зуламаш тахан чIоагIа даьржа да. Iаьдала болхлоша тохкаш латт из моттиг.
МВД болхлоша кхайкарал ду бахархошка, боккъал а ма Iехадайта шоаш зуламхошка! Фийла хила! Малашб ца ховча нахаца бувзаме ма дувла, шоай ахча дIатIа ма ахийта, йохкар-эцар ма леладе! Оашош хьанца гIулакх леладу ховш хила деза шо!
