Ачалкх хи тӏагӏолла тилла тӏий, тоадаь даргда йиллача ханал хьалха.
23.09.2025 15:41
Юкъерча Ачалкхе гӏолла додача Ачалкх оалача хих тилла тӏий тоадара болх чакхбаргба йилла хиннача ханал хьалха. Моттигерча Минавтодора лаьрхӏад из болх баккха лайчилла бутт чакхбоалаш.
Гӏалгӏай Республикан Кулгалхочун, Паччахьалкхен зарбан болх лелабераша яхачох, керда тӏий кхы а шерагӏа хиларал совгӏа, дӏаьхагӏа а да 40 метр.
«Цо таро лу моллагӏа йолча транспорта паргӏатта цу тӏагӏолла лела, иштта тоаду бахархой вахара хьалаш», - аьлар Гӏалгӏайчен Кулгалхочо Келаматанаькъан Махьмуд-ӏаьлас, керда тӏий лоархӏаме хилар Магӏалбика кхален юрташкарча бахархошта.
