«Денал, яхь, нийсача хӀаманца лерхӀам болаш хила веза МВД къахьегаш вола саг. Иштта хиннад массахана. 2023-гӀа шу цхьаккха кхоачамбоацар доацаш дика дӀадахар. МВД болхлоша дизза кхоачашдир шоай декхараш, дикача оагӀорахьа хьахьекхар цар шоаш», - белгалдир вай Мехкадас.

Нах боабеш дола унзара гӀулакх дикка лаьгӀденнад - 46, 7%, дегӀа човнаш еш дола хатараш 31, 2% кхоачаш лохденнад, ший доалахьа доацаш саг дӀавигар - 67%, хӀама лочкъаяр - 28%.

«Укх шера дӀабахьа безар боккха болх ба. РФ президента хоржамаш – эггара керттера болх. Иштта гӀалгӀай паччахьалкхе хьакхелла 100 шу далар да дӀадахьа дезаш. Дог тийша ва со, уж декхараш а иштта бехктокхаме, боаггӀача боараме вайцига дӀахьоргда аьнна», - белгалдир вай Мехкадас.