Цу тайпара дикагIча оагIорахьа хулача хувцамех дийцар, правительстве, ГIалгIай Республика Кулгалхочо Келматанаькъан Махьмуд-Iаьлас кулгал а деш дIайихьача совещане, къахьегамеи, социальни Iалашонеи министра Хьоашалганаькъан Адама.

ДIадахача шера болх боацаш хилара хьал 21,1 процент хиннадале, карарча 2021 шера, из да массехк дикагIа — 14,9 процент.

Нах балха юхаметтаоттабаьб ткъаь цхьайтта эзарнега кхоачаш, цул совгIа царех ийс эзареи, бархI бIаь саг болх караберзабаьрех ва, цу юкъе ткъеста саг ва заIапхо волаш.

Из болх бокъонгахьа боалаш боагIа федеральни программа а, иштта республкга паччахьалкхен программа а, инвестицеш а хиларах.

Хьоашалганаькъан Адама яхачох, ер шу йистедалалехьа хьалхашка латта декхараш кхоачашдаь даргда.

Керда балха моттигаш хилар дувзаденна да, шоай долахьара хIама хьадеш бола предпринимателаш совбоалаш латтарах, цудухьа наха а хьаде хIама кораду.

Вай регион СКФО гIолла хьалхарча моттиге латт, иштта РФ субъекташта юкъе шоллагIа моттиг дIалоацаш а я.

Келматанаькъан Махьмуд-Iаьлас белгалдир гулбеннарашта, цу тайпара балха моттигашца Iалашо яра дола дика хьал, гIирсаш арахецаш йола предприятеш, фабрикаш хилар да, аьнна.

Кулгалхочо тIадиллар, моттигашкарча Iаьдала болхлошта, нахага цу тайпара болх хиларах, дукхагIа хоам беш хилар.