ГӀалгӀай къаман
юкъара газет

Доккхача хин дехьавоалаш дола балхаш йистедоалаш латт

ГӀалгӀайче белгалду Шолжа хи тӀа гӀолла «Боккха никъ «Кавказ»-Илдарха-ГӀала-Юкъера Ачалкхе –Гӏайрбика-Юрт» яхача наькъ тӀара балхаш кастлуш йистедаргхилар, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.

Белгалдаккха безам ба, укх тӀехьарча хана, дукха наькъаш тоадаь хилар. Уж во тоадаьд аьнна моттиг нийсъеннаяц. Карарча шера а шортта хьабе болх ба цар», - аьлар ГӀалгӀай Республикан кулгалхочо Келаматанаькъан Махьмуд-Ӏаьлас, таханара вахара-экономически декхараш дувцаш.

Шолжа хи тӀагӀолла тилла тӀий (48 м) дӀаьха да. Дика чӀоагӀдаьча тӀаь тӀагӀолла, тахан майрра лела йиш я, из иштта нийсденнад, «Кхерамзлен дика наькъаш» яха проект бахьан долаш.

Республикан Кулгалхочо ше тешаш ва аьлар, дӀахо а наькъашдехкарий министерствон болхлоша дикал йола балхаш дергхиларах. Наьха хьашташ кхоачашдара тахан ца хилча даргдоацар да из, цунца цхьана лакхлургба республика дегӀаяра боарам а.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде