Магасе гергача истола гонахьа дийцар, ийрча гӀулакхаш леладарах
03.10.2023 12:42
ГӀалгӀайчен столица урамашка леладеш дола ийрча гӀулакхаш мишта юхасовцадича бакъахьа да, дийцар Магас-Шахьара администраце хиннача кхетаче. Юкъарлонна, бокъонаш лораярий викалаша, хьехархоша, дешархоша, кагирхой хьалхле лелаераша, шахьара Ӏаьдалца цхьана лаьрхӀар, шоай низ цунна духьалбаккха. Шахьара урамаш ийрчадоахаш, Магаса куц-сибат телхадеш болча зуламхошца къовсам лоаттабе. «Цу тайпара гергача истола гонахьа гулбалар, из дош иштта шоайла къоастадар пайдане хилар. Тайп-тайпарча наха, цхьа уйла йолаш, дийцар деш дола зулам, цунца дӀахьоргбола къовсам.
Хьехархоша шоашта бакъахьа хетар аьлар, дешархошта юкъе из боаржабара. Магас-Шахьара администраце кулгалхочо Орцханаькъан Зайтас аьлар, уж бераш зӀамига долча хана денз; культуран оагӀорахьа кхетам бала безаш да, аьнна. Цо иштта кагирхой тӀахьийхар вай юкъардар, массане доалахьардар лорадара», - аьлар «Сердало» газетага Магаса администраце.
Хала хете а, цу тайпара ийрча гӀулакхаш вай республикан юрташка леладеш хилар хьалхара дац. Цунца къовсам лоаттабе таро хургья, берригача цхьа барт болаш, хӀаране ший дакъа юкъехьош хилча.
