«Таханара ишкол» яхача моттигерча проектага гIолла дIахьош ба из лоархIаме болх.

Цох лаьца Мехкадаьга дийцар дешареи Iилмани министерствон кулгал деча Боканаькъан Аьсета. Эггара лоархIамегIдар да, бераш цхьан сменах деша ухаргхилар.

Керда ишколаш хургья хIетта нах баха хайшача моттигашка. Юрташка, шахьарашка уж хиларо аттача доаккхаргда хьехархой гIулакх. «Кхаь сменах хинна дешар соцаде аьттув баьлар тха, хIанз шин смена тIара цхьан смена тIа доалаш къахьега деза.

Федеральни оагIоно дикка гIо ду тхона цу гIулакха. Дукха ца говш, бераш цхьан смена тIа даха аьттув баргхиларах теша лов тхона.

Юрташка дахаш долча берий дешара гIулакх, шахьарашка дешачар санна хила деза, кхы эшашагIа доацаш», — белгалдир вай мехкадас Келаматанаькъан Махьмуд-Iаьлас. Цул совгIа, ер шу йистедоалаш, хьалъяь хила езаш я кхы а массехк берий беш. Берашта эшаш мел долча хIаманца кхоачам баь хила еза уж моттигаш. Бе безача балха юкъе я, чура хIамаш хувцаш, дикка кулг тохаш, тоае еза I6 ишкол.