«Шоай унахцӀенон хьал бехктокхаме лорадеш болча наьха оагӀув хьаллаца беза», - белгалдир президента, могашала уйла еш бахар мел лоархӀаме да дувцача къамаьла юкъе.

Къаман проекташка, федеральни оагӀонга гӀолла лоаттадеча новкъосталах, унахцӀенон хьал дикка меттадоаладе аьттув ба вай республике. Хьалъяьй керда дарбанчеш, къаьнаръяраш, боккха болх дӀахьош, тоаяьй. УнахцӀено лораяра тӀехьа кхеллача кердача къаман проектах, дийцар президента.

Россерча бахархоша боккха пайда эцаш, наьха могашал тоаеш болх хургба цох.