Полице болх бе бех 18 шергара 35 шерга кхаччалца бола нах
30.11.2023 10:04
Вай республикерча МВД болх бе бех 18 шергара 35 шерга кхаччалца бола бахархой. Юкъера дешар дийша, физически кийча волаш, Россе эскаре амал даь хила веза МВД балха отташ вола саг. Из хоам «Сердало» газетага бир цу моттигерча болхлоша.
«Полици болхло хилар лоархӀаме, виззача къонахчун гӀулакх да. Полице болхло хилча, хӀара бетта ахча хьатӀаухаш ваха аьттув ба цун, Россерча моллагӀча моттиге МВД лакхера дешар чакхдаккха йиш я, мах боацаш, ший балха тӀа лакхлуш дӀаваха а аьттув ба.
20 шера МВД болх бича цӀагӀа Ӏе йиш я. Мах боацаш дарбе де, кхыдола гӀулакхаш чакхдаха а гӀо ду цунна Ӏаьдало», - белгалдир МВД. Балха отта безам барашта лаьрхӀа адрес: Магас, Кулиева цӀи лелаю урам, № 14.Телефон: 8-8734-55-04-61.
