Наьсарера Ӏабе-Гув бола доазув тоадеш боахк болхлой
05.07.2024 08:59
Вай къаман исторе доккха дакъа дӀалоацаш болча Ӏабе-Гувна доазув тоадеш боахк республике. Из соцам баьр ва Мехкада Келаматанаькъан Махьмуд-Ӏаьла. «Сердалога» из хоам бир администрацера.
«Из моттиг тоае дагахьа, грантех латтача яхье кхелла проект хьаллаьцар шахьара да волча Йовлой Урусхана. Ӏоакъа (плитка) Ӏоюллаш, гонахьа керда карт оттаеш, гӀандаш догӀаргдола, нувхашта лаьрхӀа яьшкаш оттаергйола кӀийле нийсъеш боахк болхлой. Лакха, хоза лампаш егӀа; зизашца, гаьнашца баьццара ерзаяь, йовзаргйоацаш куц тоадергда цу моттига», - йоах хоамо.
Теркалде деза, ГӀалгӀай Республика хьакхолларах бола хоам 1992-ча шера Ӏабе-Гув тӀа хьакхайкабаьлга.
