МагӀалбикерча урамий лампаш хийцар
Къаман телевидене дӀахьош йолча «Муниципальни сахьат» яхача передачага гӀолла, МагӀалбикерча администрацена кулгал деча Галай Мусайга дехар дир бахархоша; урамий болх беш йоаца лампаш дӀа а яьхе, кердаяраш йохка, аьнна. Из гӀулакх кхоачашде дезача болхлоша сиха чакхбаьккхар шоай болх. ВӀаштӀара даьча квартирий диъ цӀен чу бахача наьха урамаш тӀа хӀанз керда, сийрда лампаш йоаг.
«Гарданаькъан цӀерах болча урама № 29, 29 А; Осканаькъан, 12; Гогола, номер 32 йолча моттигашка бахача наха доккха баркал аьлар шахьара администрацена, шоай дехар кхоачашдарах. Бийсан араваьнна, волавала а гобаккха а сийрда, хоза латт хӀанз шахьарера урамаш», - дийцар «Сердалога» администраце зарбан болх лелабераша.
Хьакимашта, бахархошта юкъе массахана бувзам хилар беркате да. Из гӀулакх даиман лакхача боараме хилийта, яхаш, хьалхадоах вай Мехкадас.
