Алхастера хий тоадир болхлоша
08.02.2024 12:54
Алхастерча Школьни оалача урамера хин турбаш лийлха моттиг тоаеш баьхкар, юртарча администраце болхлой. Из хоам тха «Сердало» газетага бир Шолжа кхален администраце.
«Хий тоадеш хиларах тарра, хий кӀезига доагӀаш хиннача урамашкара хьал меттаотта деза. Укх тӀехьарча деношка из хало йолаш кхестар цигара бахархой», - йоах тхогарча хоамо.
Белгалде деза, из тайпара хатар ма хулла сихагӀа юстардаккхар геттара лоархӀаме долга. Хий доацаш хилча, наьха вахарера дукха гӀулакхаш юхасовц.
Дуккха турбаш, хьогге хувца езача кхаьча, тишъеннай.
