Из дош дийцар Назрань-шахьара администраце, ГIалгIайчен вице-премьера Фурсов О. Б., иштта налогови службаи, судебни приставийи викалаша дакъалоацаш дIайихьача кхетаче. Цига дийцар, 2021 шера, дIабихьача балхах хьабаьннача пайдах.

Назрань-шахьара экономика отдела кулгалхочо, Къоастой Мухьмада, дийцар администраце балха тоаба, шахьара мел йола, предприятеш реестра чуйоалаеш дIабихьача балхах.

«Карарча хана, Назрань-шахьара даькъа тIа налогаш дIачуяларах хьабоала пайда 100% бац.

Укхаза отташ дола хаттар дувзаденна да, кIайлагIа, ший доалахьа леладеш дола хIама доацаш а, лаьтта, цIенош, транспорт, реклама дIатIаязъярца дувзаденна.

Дукха болх ба бе безар, цунца дувзаденна хьатIадоагIача кIира налогови службаца, цхьана, рейдаш ергья. Цу рейдай болх а, массехк, кхыча тайпара баккха безаш ба. Уж ца хаддаш каст-кастта дIаяхьа еза, цунах хулаш бола пайда вайна гургба хьалхарча кхаь бетта», — аьлар Назрань мэра Йовлой У.

Кхетаче йистейоалаш хьалхарча вице-премьера белгалдир, налогаш пхье дегIаяра лоархIаме хIама хилар, уж ханнахьа дIаяла бахархой декхарийла хилар. Кхетаче, хьаэца хIама а долаш, пайдане хилар массаболча доакъашхошта. Иштта цо хьалхадаьккхар, Самарерча балха говзалга а хьожаш, этта хьал, аттача даккха дезаш хилар.

Цу юкъе доагIа, налог яккхара цхьа база а йолаш, хIаьта иштта доалахьара цIенош дIатIаяздара — ший а йолаш хилар а.