Артемовске бӏухошта лаьрхӏа хӏамаш яхьийтар Къаман фронто
Къаман фронто «Деррига а Котало бахьан долаш» яха гӏулакх хьаллаьцар вай мехка. Тӏема аренашка лелача вай бӏухошта гӏо де ловраш хӏара денна дукхагӏа ба. Артемовск яхача моттиге тайп-тайпара царна эшаш йола хӏамаш йихьар укх наькъа.
«Гӏо дерашца шоаш гулъяь хӏамаш хьаелар тхога вай мехкахочо Элтемаранаькъан Джабраила. Ши тонн совгӏа йолча хӏамашта юкъе да дизельни генератораш, пешкаш, наб е йиш йола галеш, ханахьа талхаш боаца кхача, иштта кхыйола царна цига эшаш йола хӏамаш. Геттара гӏадвугаш да из гӏулакх вай бахархоша иштта хьаллоацаш хилар.
Лохерча Ачалкхе вахача Цӏечой Илеза ши яьшка ше хьадаьккха модз дайтар царна лаьрхӏа, иштта Росреестро хьаенна машин а ӏойига дӏакхачийтар оаха бӏухошка», - дийцар «Сердалога» мехкарча Къаман Фронто.
Къаьстта хала ханаш эттача гучадоал цу оагӏонцара гӏулакхаш, хӏаьта эггара лоархӏамедар нах шоайла хьерчаш, вӏаший тӏаотташ хилар да. Тӏема операци йолаеннача дийнахьа денз, бӏухой оагӏув хьаллоацаш, шоашта могаш дола гӏо царна деш, хьабоагӏа вай мехкахой.
