Гӏалгӏайчен Халкъа фронто СВО доакъашхошта аргӏанара эшарий мухь бохьийтаргба
Коталон ди долаш, Халкъа фронта Гӏалгӏай моттигерча даькъа исполкома кулгалхочо Тӏонганаькъан Башира, ший балха новкъосташца цхьана аргӏанара новкъостал дохьийтаргда вай бӏухошта. Цунна чудоагӏа технический гӏирсаш, уж геттара чӏоагӏа эшаш хул бӏухошта, тӏема декхараш кхоачашдеча.
«Бӏухошта лургья «ТУТ- 390» яха рацеш, цар тешшаме бувзам лоаттабу. Уж ийцай Халкъа фронто «Деррига Коталонна!» яхача моттигерча гӏонна чудоагӏаш «ССК» 000 генеральни кулгалхочо Дудурганаькъан Къурейша хьожадаьча ахчах. Иштта, бӏухошта эшаш долча гӏулакха хьош да къаьстта болх бу генератораш, уж деннад Ингушстата къахьегамхоша.
Техника йоацаш, бӏухошта хьоргда кхачан даараш, хьалхарча аргӏагӏа эшаш йола хӏамаш, уж гулъяьй республикан бахархоша», - аьлар «Сердало» газетага Гӏалгӏайчен Халкъа фронто.
Даьхен бӏухой Коталон Ди долаш хьаллацар лоархӏаме гӏулакх да, цо бувзам лоаттабу коталон ноахалца. Халкъа фронта моттигерча тоабо баркал оал; Гӏалгӏайчен предпринимателашта, боахамашта, бахархошта, цар шоай гӏулакхашца вай мехка цхьоагӏо гойтарах.
