Халкъа фронто тӀахьийхар, терроризма кхерама цхьана духьалъоттара
ГӀалгӀай Республикан Халкъа фронта исполкома кулгалхочо Тенканаькъан Башира тӀахьийхар, ГӀалгӀайчен а иштта ерригача Россе а бахархой, терроризма цхьана духьалъоттара, вай мохк боха ца байтара. Цо кодам бийцар, цу унзарча терроризма гӀозара юкъе «Крокус Сити Холле» нийсбаларах, байнарий дезалашка.
«Оаха массане а: тайп-тайпарча къамий а диний а викалаша къоабалдац тахан бӀехача террористий гӀозаро даь ийрча хӀама, цунна доагӀаш дола таӀазар хургда!
ГӀалгӀайчен бахархой дегашка, хала хеташ, дисад из. Тха республика а цкъа нийсъенна Ӏийнаяц, цу наькъ тӀа деш долча зулама юкъе. Террористаша даьча зуламца цхьаккха хӀама нийслургдац, е нийсде йиш а яц!» - аьлар Тенканаькъан Башира.
Тахан ГӀалгӀайче цхьа саг хургвац, из хӀама хала ца хеташ. Республикан бахархой, дукхача къамий викалаш, ГӀалгӀайчен къоаной, кагирхой къизал хилар кхетадеш ба, террористаша даь зулам а, царна керте латтараша лелабу тийшаболх а.
