Фецарча кема тIа бокъо йоацараш леладаьр, Iаьдало бехктокхаме озаргва
27.02.2024 11:03
«Магас» яхача аэропорте бокъонаш телхаеш дола гIулакхаш леладаь саг, бехктокхаме оза дагахьа соцавир цига тIахьожам лоаттабераша. Из хоам «Сердало» газетага бир республикерча МВД.
«Шереметьево-Магас яхача рейсаца воагIача сага, бокъонаш телхаеш дар хьовзадаьд, аьнна, хоам бера наькъашта тIахьожача Наьсарерча МВД оагIон болхлошка. Фецарча кема кулгалхочо цигарча полице болхлошка хоам бир, кема айденна додача хана, цхьа саг хиннав нах араухача моттиге гIаьле озаш, аьнна. Аэропорта полице йолча Iочувигар 43 шу даьнна Москвера вахархо», - йоах тхогарча хоамо.
Фецарча кема тIа бокъо йоацараш леладарах, административни бехк бергба цунна.
