Моттигаш тоаярах йолча проектий яхьашка, дакъа лоацаш я Наьсаре
Моттигаш тоаярах йолча проектий ерригача Россе яхьашка дакъа лоацаш я Наьсаре. Коталон Аллей тоаеш болх ба дӀабахьа лерхӀар.
Мехкадаь зарбан болх лелабераша белгалдечох, Сийленга куц хувцаргда, таханарча ханага хьежжа йола спорта лаьрхӀа, иштта ловза моттигаш къоастаергья, ахканара театр вӀаштӀехьдоаккхаргда. Цул совгӀа, мэре гӀишлон юхера тишбенна кхуркхолг хувцаргба, керда кхера Ӏотохаргба. Боккха болх дӀахьош тоаде лерхӀ Наьсарен 240 шу далара Аллея доазув.
Вай мехкадас Келаматанаькъан Махьмуд-Ӏаьлас белгалдир, Коталон Аллей шахьаре лоархӀаме, дуккха нах тӀалатташ моттиг йолга. Цу оагӀонцарча проекта юкъе бахархой чуозар дика хургда аьнна теркалдир Мехкадас.
«Дог тийша ва со, вай мехка йоагӀаш я котало. Шахьара моттигаш тоаярах мел дола гӀулакхаш хьаллоацаш хургда вай. ЛоархӀамеча ерригача Россе яхьашка котало яккха аьттув хилба Наьсарерча мэра, цун тӀехьа латтача тоабан», - белгалдир респуликан Кулгалхочо.
Лайчилла бетта 1-ча дийнахьа кхоачашъяь хила еза проект йоаржаеш ба карарча хана. Маьцхали бетта 21-ча дийнахьа Казане дӀахьоргья яхьашта хетаяь кхетаче.
Белгалде деза, дӀадахача шера Наьсаре иштта йолча яхьашка котъяьнна хиннилга.
