Доакъашхоша дийца дош дар, хиш дукхагIа арахецар а цун дикала боарам лакхагIа хилийтар а. Гулбеннараша дийцар, укх тIехьарча хана, арахьара шушашкара хий вай республике дукха хьачукхухьаш хилар. Цудухьа пайдане хургдар, базарашка а, иштта тикашка а дохкаш долча хина дикалга хьожаре, цу гIулакха бехктокхаме йолча Роспотребнадзора викалаш.

Вай таро я, эшшача боараме, моллагIа дола хиш арахеца. Цул совгIа, баь барт ба «Магнит» яхача тика чу вай кхача лоаттабара. Кхычахьара хьачукхухьача, миштад ца ховш долча хиво, таро хулийтац вай мехкара дикал лакха йола хий эшшача бесса маьхалдаккха.

Цу гIулакха тIахьожам ца хилча баргбац аьнна, хетт тхона, — аьлар цар.

РФ кердача амарга хьежжа, карарча шера, моажола бетта цхьоалагIча денгара цхьадола хиш керда маркировка е езаш да, цу юкъе минеральни а газированни а, е шоаш хьадьараш а.