Харцахьа-бакъахьа рекламаш еш дола гӀулакх тоаде, арабаьлар Илдарха-ГӀалий тӀа
23.08.2023 06:50
Кхаьч-кхаьчача рекламаш еш дола улгаш, каьхаташ дӀадетташ бола болх нийсбе; арабаьлар Илдарха-ГӀалий тӀа. Из хоам тхога бир шахьара мэре.
«Шоашта дага мел дехача миӀингашка реклама еш дола каьхаташ, наклейкаш, улгаш дӀадетт бахархоша. Бокъо йоацаш леладеча цу гӀулакхо шахьара куц толхаду», — белгалду цо. Шахьара кулгал деча Дидиганаькъан Ахьмада тӀадилларах, харцахьа-бакъахьа дӀайийтта рекламаш дӀайоахаш бола болх дӀахьош ба карарча хана. ДӀахо дӀайодача заман чухьа, тӀахьожам лоаттабергболаш ба цу гӀулакха.
