Шолжера нускал дера кхадж тасса, хоржамаш долча дийнахьа
10.09.2023 15:22
ГӀалгӀайчен Шолжа-Шахьаре керда вахар кхоллаш бола бахархой баьхка хилар № 910 йолча хоржамий даькъ тӀа, шоай кхадж тассара декхар кхоачашде. Цунах дийцар «Сердало» газетага хоржама комиссе викалаша.
«Нускал, Ӏумаранаькъан Мадина, цу ший вахаре лоархӀамеча денца цхьана нийсденнача хоржамашка дакъа лаца лаьрхӀа денадар, даькъ тӀарча депутаташта ший оаз дӀаяла дагахьа.
Кхадж тессача даькъ тӀарча комиссен викалаша совгӀата телевизор елар царна, иштта ловца а баьккхар цар вахаре деррига а бартаца, дика хилар ловш», — аьлар тхоца къамаьл даьчо.
