Кхаь шера бокъонах доацаш ГIалгIайчен хьу тедарах, 44 млн сома зе даьд
Незаконные рубки леса в течение 3 лет нанесли Ингушетии ущерб более 44 млн рублей, о чем рассказали космические снимки, сообщает lesprominform.ru со ссылкой на информацию WWF России.
2018-2021 шерашка космосера даьхача суртех гуш да, ГIалгIай Республика хьу тийдда хиларах хинна зе.
Говзанчаша яхачох, 44 млн сома зе хиннад из бахьан долаш.
Цхьаккха тайпара бокъонах доацаш тийда хьу я, 140 гектар дIалоацача даькъа тIа.
Хоам ба, ГIалгIай Республика Iалама Министерства дIабихьача тохкама балхах ховш хилар дукхагIа дола зе, къайлагIа хьу тедаш йола моттигаш совйоалаш хилар бахьан долаш хинналга. Цул совгIа, кхыйола хьу тедара бокъонаш телхаярах нийсъенна моттигаш а я цига. Цудухьа из гIулакх ма-дарра тахкара аьнна, региона чурча гIулакхий Министерстве дIачуденнад.
Россе хьуна проектий йоккхагIа йолча «Российский Кавказ» «яхача экологически региона координатора Черкесова Еленас хьалхадаьккхар, хьу лораяра хьалхара беш болх из хилар, хьуна урхален органаша беча хоамах дIахо а дIабахьа лерхIаш ба из.
«Оаха баркал оал, ГIалгIайчен Министерства иштта сиха из болх дIабахьара тхоашта новкъостал дарах, ГIалгIайчен Iалам лорадара къахьегача а хьу тедаш харцо ераш гучабоахача а цар дика дакъалацарах.
Тхо иштта хьожаш хургда, из гIулакх мишта тохкаш да», — аьлар цо.
