Михалков Никитас ГӀалгӀайчен халкъа артистка даькъалайийцар
Укх деношка, цӀихеза театра, кинон ГӀалгӀай Республикан Халкъа артистка Янданаькъан Тамара даькъалайийцар Россе кинематографе Союза кулгалхочо Михалков Никитас, цунна Российски Федераце Халкъа артистка яха цӀи яларах. Республикан культуран болхлоша а из иштта даькъалаювц.
ЦӀихезача кинорежиссёра яхачох, Янданаькъан Тамарас, российски кинематографи дегӀайоалаеча ший дакъа юкъедихьад. Кхоллама наькъ тӀа лакхлуш а унахцӀено йолаш а хийла хьо, аьнна, ловца баьккхар Михалков Никитас. ГӀалгӀайчен культуран дукха болхлой иштта ловца боаккхаш ба, царех я Магас-Шахьара театра, кинон, таханарча тароний Центра, шийна кертте Зортанаькъан Мадина йола коллектив.
«Хаважа Тамарай начӀало вай цецдоах. Цун еннача Российски Федераце халкъа артистка яхача цӀеро хьагойт цо кинематографе дикка дакъа лаьца хилар. Со тешаш я, Янданаькъан Тамарай кхолламо кхы дуккхача шерашка вай гӀадкхувларгхиларах. Даькъалаювц оаха из, кхы а сийрда юхь ловзае кхоллама таронаш хийла цун наькъ тӀа», - аьлар Зортанаькъан Мадинас.
