ГIалгIайче кхел ергья бийсана аьрдагIа лийнначунна
Ночного дебошира будут судить в столице Ингушетии за нарушение закона. Житель сельского поселения Галашки в Ингушетии предстанет перед судом за применение насилия неопасного для жизни и здоровья в отношении представителя власти, информировали газету «Сердало» в пресс-службе Прокуратуры РИ.
ГIалгIачен юрта, Галашке, вахархочунна, Iаьдала болхлочунна валара кхерамбоацаш бола низ тIабахьарах, йоагIаш йола кхел ергья, аьнна хоам бу, «Сердало» газетага ГIалгIай Республика пресс-служба.
«Назрань-шахьара прокуратура бехк беш хилара, уголовни гIулакх чIоагIдаьд къонача маIача сага духьала, из бехке ву вахара кхераме боаца низ тIабахьарах Iаьдала болхлочоа, ший балха тIехьа дола декхараш кхоачашдеш из волча хана» — аьнна белгалдир региона тIахьожама боахаме.
Лоткъамхоша дIабихьача балхах ховш да, цу лоамашкарча юрта вахача саго, карарча шера, ялхлагIча мае, Назрань-шахьара Осканова урамах, корта бохабу малар менна а волаш, шийца хинначунца цхьана, юкъарлонна бокъонаш телхаяьй, иштта юхегIолла тIехвоалачунца а дов даьккхад.
Бокъонаш лораеча органий болхлоша, цига хьакхаьчача, цу нахага дов соцаде аьннад.
Бакъда, шийга Iаьдала болхлочо аьнначоа духьала харцо лелаеш волча Галашке вахархочо, полицейски юкъакIара хьа а лаьца лаьттагIа техар.
Цу тайпара бокъонаш телхаяра дола гIулакх, корта бохабу малар меннача сага духьала чIоагIдаь, прокурора, ГIалгIай Республика Магасерча районни суде дIадахьийтад.
