«Кхуркхолг оттабаь, гӀандаш, лампаш егӀа, гӀаш леларашта никъ тоабаь, нувхаш дӀакхувса яьшкаш оттаяь, зизаш, гаьнаш дӀаегӀа, хоза кулг техад цу моттиге. Шахьара куц тоадара тӀехьа кхеллача проектах, хьадаьнна доккха беркат да из. Юртахой салаӀа Ӏохувшаш, массанена езаенна моттиг я из. РФ президента Путин Владимира соцам баь, тахан юрташкара хьал тоадеш ба цу программага гӀолла. Тхоай низаца тхона булургболаш болх бацар из», - дийцар МагӀалбика кхален администрацен кулгал деча Къоастой Ӏаддал-Хьамида.

Тахан Долакоана юкъера керттера моттиг чӀоагӀа хозача куца тӀа йоалаяь латт. Дог гӀоздаьнна нах салаӀа Ӏохувш цига.