Магасерча вахаре эшача моттигашца нах баха моттигаш ювзаш, хургба керда никъ
Нах бахаш йола, цхьацца болх дӀахьу моттигаш шоайла хотташ хургба Магасера керда никъ. Бахархошта лоархӀаме да ишколаш, берий бешамаш, культуран, унахцӀенон моттигаш паргӀатта тӀаваха йиш йолаш хилар. Керда никъ боккха аьттув луш хургба цу оагӀонца.
«Магасе керда никъ биллар бахархошта боккха тоам беш да. Сейнарой Б. цӀерах болча урам тӀа Ӏобуллаш латтача наькъага хьажа ваха хилар шахьара да вола Тиймарзанаькъан Муса. 22-ча, 23-ча зӀамигача кхалешка гӀолла чакхбоалаш Малсаганаькъан Д., Чахкенаькъан С. цӀерах дола урамаш шоайла хотташ хургба, тахан даггара болх дӀахьош, тоабеш латта из никъ.
430 метрага кхоачаш ба из бӀоахалга диллача, иштта цун уллув гӀашлой никъ билла лерхӀ. Дешархой, ха яхача наьха, коляскашца лелача ноаной кхерамзлен хьал лорадара а дикка терко яьй проект дӀахьораша», - дийцар «Сердалога» шахьара мэре.
Шахьара дас белгалдир эггара керттердар бахархошта паргӀата хилар долга. Шахьарерча цхьацца йолча лоархӀамеча моттигашка дӀакхача дуккха аттагӀа хургда хӀанз бахархошта.
