Керда лорий амбулатори хьалъергья Сурхо тӀа
02.10.2023 11:47
Сурхо тӀа, бахархой дог хьоасташ, дикахетар да цига амбулатори хьалъеш хилар. Из чудоагӀаш да, «УнахцӀено» яха къаман проект вайцига кхоачашъеш хилара. «100 моттига лаьрхӀа хьалъеш йолча цига хургья боккхийчарна а берашта а дарба дара йола таронаш, говзанчаш чубола кабинеташ, иштта дийнахьа унахой дарба деш хила йиш йола моттигаш.
Из гӀишло хьалъяра дӀадодаш да 75 млн сом. Еррига а гӀишлон моттиг 1236 квадратни метр я», - аьлар «Сердало» газетага ГӀалгӀайчен паччахьалкхен болхлоша.
Юрта хьалъеш йолча кердача лорий фусамо наха дарба деча дикка моттиг дӀалоацаргья. Из юртахошта лоархӀаме а да.
