Энергетика, вахара-коммунальни боахама керда министерство хургья ГIалгIайче
В Ингушетии оптимизируют систему ведомственного управления различных отраслей экономики.
Паччахьалкхен структурай балха дикал совъяккхара хьалхашка оттадаьча декхараша хьагойт, цар болх массехка кхыча тайпара баккха безаш хилар.
Укх деношка ховш хилар, ГIалгIай Республика Кулгалхочо, Келматанаькъан Махьмуд-Iаьлас, 2022 шера, наджгамхой бетта ткъаь диълагIча дийнахьа арадаьннача Амарах, регионе ГIалгIай Республика энергетика, вахара-коммунальни боахама керда ведомство хьаелларг хилар.
ГIалгIай Республика гIишлон министерства, ший профессех бола болх дIаболабергба.
Республика энергетика, вахара-коммунальни боахама хьалхашка латта декхараш да, ТЭКа, ЖКХ балха тIехьа, ГIалгIайчен доазон тIа, паччахьалкхен политика маьхалъяккхар.
Бакъда, из деррига кхоачашдара массехк ха езаргья, дале а, карарча шера из болх чакхбаккха лерхI.
Цо таро хулийтаргья, гIишлонеи коммунальнеи оагIорахьара, беш бола болх дIа-юха бекъа, иштта хIара министерства балха дикал лакхъе.
