ГӀалгӀайчера Кердача шерара корсам Москверча ВДНХ латтаргья
ВДНХ даькъ тӀа хӀанз дӀахьош йолча «Росси» яхача гойтам-кхетаче, кердача шера накъаболхаш кийчъяь 89 корсам я. Царех хӀараяр ше-ший мехка культурага, Ӏадаташка хьежжа кийчъяьй. Цу тайпара, Россе дерригача къамий цхьоагӀон ди а цӀай а дездеш болча «Росси» яхача гойтаме цхьаькха хоза оагӀув тӀакхийтар.
Вай республикан корсам эггара сийрдагӀа а хозагӀа а йолчарех цаӀ я», - аьлар «Сердало» газетага Москверча ГӀалгӀайчен массазарча викалаша.
Керда шу хьатӀадоагӀаш, хӀара мехко Кердача шера белгало кийчъяьй ВДНХ, Москве бахача наьха а хьаьший а дагахьа юсаргйолаш.
ГӀалгӀай корсам тӀа тайп-тайпара гӀалгӀай халкъа Ӏадаташ, цун мах баь варгвоаца истори довзийташ йола оагӀув го йиш я. Эггара чӀоагӀагӀа корсама безам тӀаозар ба цун лепаш бола бос.
ГӀалгӀайчен Кердача шерара корсам гӀалгӀай халкъа Ӏадат, культура, истори вӀашагӀтохаш йола ВДНХ белгало йолга ховргда республикан бахархошта.
