Шолже керда автостанци хьаелла кийчлуш ба
13.10.2026 15:13
Шолже кийчо еш ба, керда автостанци хьаелла. Гонахьарча Суворова урам тӏа лостам бир: никъ кердабаьккхар, цу гӏишлонна атта тӏагӏоргвола хьалаш хьакхеллар, 13 машина ӏооттае моттиг хьайир.
Хьалхагӏа цу урам тӏа асфальт ӏобиллабар 500 метр, догӏаш дӏаахара моттиг кийчйир, гӏашлошта наькъа такилг диллар.
Карарча хана гӏишлонхой чура балхаш йистедоахаш ба. Уж йистедаьлча, из моттиг болх бе йолалургья.
Белгала ма дарра, автостанци хьаеллар лоархӏаме да шахьара транспорта оагӏув дегӏайоалаяра. Укхазара дӏайолхаш хургья шахьара, иштта шахьарашта юкъера рейсаш, хӏаьта наха эша дикагӏа дола хьалаш хьакхолларгда. Цул совгӏа, юкъарлон транспорта цхьоагӏо йолаш лела таро хургья.
