Пхье кулгалхочун гIончас техкар, библиотек таханарча дийнахьа малагIча хьале латт. Цу чурча болхлошца къамаьл деш теркаме лаьцар эшаш дола книжкаш, иштта, библиотеке ухача наха дезачунга хьажар а. Цу беркатеча кхуврча кулгалдеш йолча Амерханова Маринас белгалдир, дукха ха йоаццаш, хий чуухаш хинна тхови, тишъденна пенаши тоадаь хилар.

Библиотеке тахан меттиг таъац дерригача книжкашта. Кхоачамбоацараш дукха дале а, цигарча тоабо хилла боаггIача боараме дIахьу шоай болх. ТеIа яле а, шоайла бар товш, библиотекера болх дукхабезаш къахьег цар. Цу кхуврче каст-кастта дIакхух доккхий гойтамаш, кхоллама сайренаш, тайп-тайпара кхетачеш. Ма хулла чулаттарий безам лакхъбеш ба цу чура къахьегамхой.