«ВорхӀ проект яр хьокха оттаяьраш. Йиъ проект яр хьатӀийцараш: сердал чакхъювлийташ йолча хӀамашта эша кхоачам арахецаш йола завод, «Лоаман легендаш» яха наькъа йистера кафе, цӀагӀа эшаш йола химически хӀамаш хьаю завод, юртбоахамера ялат кхедеш йола моттиг», - белгалдир вай Мехкадас ший телеграмм-оагӀон тӀа.

Республикан кулгалхочо аьнначох, гонахьарча Ӏалама, наха зе хургдоацача тайпара дӀахьоргболаш ба из болх. Цхьацца кхоачамбоацараш юстардаьхача, болх дӀахьоргба юхейисача кхаь проектах. Республикан кулгалхоша дукха къахьегаш латт тахан, наха болх бе моттигаш хилийта гӀерташ, наха бизнес дӀайолае аьттув лураш юкъекхувлаш. Инвестпроекташа дикка тоаергья вай мехкара экономика.