ГӏалгӀайчен керда туристий никъ бовза йиш я къаман портала тӀа
Дуне довзаш леларий къаман портала тӀа ГӏалгӀайчен «Гӏалай, легендай мехка» яха цӀи йола керда никъ гойтаб. Цо экскурси ярал совгӀа, къанаьрча культуран, исторе, республикан Ӏалама дунен чу вуг.
Наькъахой баха йиш йолаш ба исторически моттигашка, цу юкъе Вӏовнашке а йолаш. Иштта программа чуйоагӀаш я ТӀаргимара, Аьга-Кхалара гӀалаш, Хамхи. Тхьаба-Ерд оалача Даьла хьехавеш хиннача езача моттиге а хила йиш хургья.
«Со тешаш ва, туристаш цецбоахаргба Цӏай-Лоаман дукъо, из 2000 метр фордал лакхагӀа улл, Бешлоам, Жӏайрахьа-ЧӀжен кеп ше ма ярра хьагойташ я», - аьлар ГӏалгӀайчен Кулгалхочо Келаматанаькъан Махьмуд-Ӏаьлас.
Никъ баь баьлча, хьаьший таро хургья «Ӏарамхи» курорте салаӀа, цига тайп-тайпара таронаш хургья салаӀара: гӀаш никъ баргара, говрашца никъ барга, иштта кхыйолча экскурсега кхаччалца.
«Вай Россе нах да, цхьана дегӀадоагӀаш хила деза культураца», - тӀатехар Келаматанаькъан Махьмуд-Ӏаьлас.
