Наькъашка ша уллача хана, лорабалар дех бахархошка
25.12.2023 09:44
«Наькъашка гӀор эттача, лоа диллача, геттара чӀоагӀа фийла хила беза машинашца лелараш. Наькъашкара бокъонаш лорае!» - йоах МВД хоамо. Иштта хаоттам болча хана, авареш дукхагӀа хул.
Цунга хьежжа, гонахьара сурт зувш, гӀаш болхарий бокъонаш лораеш, ма хулла шортагӀа лела беза наькъашка.
ГИБДД оттаяь бокъонаш лораеш хилча, шоаш санна гонахьара нах а лорабе вӀаштӀехьадаргда цар.
