«Сурхо тӀарча, Ӏаьлий-Юртарча, Галашкарча, Алхастерча, Оалкамарча хьунашка хьахулаш я цӀарз. Цунах чам баккха дага ма дохалаш! Сага вахар хоададе йиш йолаш, дохьаж доаллаш хӀама я из», — язду Ӏалам лорадарах болча оагӀон болхлоша, шоай телеграм-канале. Гурахьа дукха тайп-тайпара хӀамаш гучайоал хьунашка. Йовзаш йоацача, хьунашка, гаьнарча моттигашка хьахулаш йолча хӀамашта кулг цатохар бакъаха да. Цу хӀамаех доала зе цадовзарашка хоам бича а, геттара нийса хургда. Къаьстта берашта, кагирхошта хьалхадаккха деза из.