«ГӀалгӀаша лоархӀ боккхагӀбараш, теркам бу зӀамагIчарна, лерхӀам бу кхалнаьха- хьаькъалца цӀен кхуврч лорабечар, ноахалгара ноахалга кхоачаш, хьадоагӀаш дола лоалахошцара гӀулакх леладу. ХӀара дезале леладе дезарех да, вай даьй Ӏадаташ. Тха къамаьл вӀалла ца хадаш дӀадаха йиш йолаш дар:бераша дувцар шоай дезалашка из хьал мишта латт, Ӏадатий гӀулакхаш мишта леладу», - аьлар Йовлой Мадинас, ше «Сердало» газетаца къамаьл деш. Дукха ха я белгалдаьккха, ший къаман, даьй Ӏадаташ довзаш волчо, кхыдолча къамий Ӏадаташ а лоархӀаргда. Къаьстта цудухьа лоархӀаме да кхувш доагӀача ноахала ший хьамсарча мехкацара безам совбаккхар, моллагӀча къамах из ноахал хиларах.