«Таханарча дийнахьа уж къахьегаш ба, йоккхача Российски мехкдаьтта компанеца чIоагIъяьча контрактах. Царна тега дезараш да, 30 эзар совгIа цу моттиге балха боахкача наха леладу барзкъаш. Российски бIухошта лаьрхIа гIирс тега беза, аьнна а, соцам баь латт фабрике», — йоах тхога бенача хоамо. Белгалде деза, 1,2 эзар сага болх бе безача фабрике, таханарча дийнахьа къахьегараш 240 болхло мара воацилга.

Царна юкъера 90% цу моттиге Iомабеннаб хIамаш тега. Болх бечарна юкъе 10% нах мара бацар, цига хьабоагIаш, барзкъаш тега ховш. Эшаш мел долча хIаманца кхоачам лоаттабу тахан цу фабрикерча къахьегамхошта. Наькъа дIа-хьа кхувл, мах боацаш мук де аьттув ба. ДIахо кхы а дикагIа тоаде лерхI цу чура гIулакх.