Дукха догIаш делхар, Iаткъаш хилар юртбоахама хьувкъама
Обильные дожди в Ингушетии негативно повлияли на состояние сельхозпосевов, чрезмерная влажная среда благоприятна для различных заболеваний таких растений, сообщили газете «Сердало» в Филиале ФГБУ «Россельхозцентр» по РИ.
«Цу филиала говзанчаша хоам бу, карарча шера маьтсела бетта шоллагIча даькъаца, республике гIолла дукха догIаш дийлхад, из чIоагIа Iаткъаш хул юртбоахама культурашта. Дестама, талхара (грибкови) лазараш хила йиш я дIабийнача хьувкъама, дукха тIоадал латташ хилча», — аьннад хьабайтача хоама тIа.
Лазараш хиннадий хьожаш, дIабихьача балха юкъе гучадаьлар: кIай тхир диллача мо талхар, гIаьнаш тIа Iатташ увттар, кагий мозий товсар, мукх йиллача санна IажагIдерзар.
Уж тохкамаш даьд МагIалбикерча, Наьсарерча, Шолжерча кхалешка.
Агрономаша а чIоагIду дIадийнача ялата тайп-тайпара лазараш хилар. Уж лазараш сиха дIа-юха даржаш да, цу тайпара хьувкъам чуэцача хана, лаьрхIа хинна толамаш даха таро хургьяц. Цудухьа, из иштта хургдоацаш, чIоагIа лоархIаме да, ший ханнахьа кхийтта лазар малагIа да хар, уж дIадаржаргдоацаш царна молхаш тохар.
«Говзанчаша яхачох, дIадийна ка бола ялат дикагIа дегIадоагIаргдолаш, 2023 шера РФ доазон тIа тоха могабаь маркхал (Гумат Калия) дIа а эбеш, кийчъяь фунгицидни молхаш тоха еза. Тайп-тайпарча лазарех, баьцовгIаш дегIайоагIача хана, итт процентагара ткъо процентага кхаччалца, лазараш дIа-юха дарж», — аьннад цу гIулакхага хьожаш болча наха хьабайтача хоам тIа.
