Эккажкъонгий-Юрта хица нах Ӏалашбара болх дӀахьош ба
01.07.2025 14:32
Эккажкъонгий-Юрта болх дӀахьош ба, хица нах Ӏалашбара хьал дикагӀа хилийта гӀерташ. Укх тӀехьарча кхаь дийнахьа говзанчаша хийцар йиълагӀа насос. АргӀанара из хувцара болх дӀабихьар 2-ча микрорайоне - укхаза ехаяр кӀоаргагӀа йола насос, цун оатхалашта дукха низ тӀабахарах, яхаш, дийцар «Сердало» газетага кхален мэре.
Цхьан юкъа хий доацаш бисабале а, из хьал сиха меттаоттадир. Ӏооттайир массехк йоккхагӀа, тешамегӀа йола насос, цун низ дӀакхоач дукха мухь тӀабодар аьнна, юха ца соцаш, болх бе, кӀоаргача моттигера хий хьалтӀадаккха.
Кхален администраце, Эккажкъонгий-Юртарча кулгалхошца цхьана, даим из гӀулакх ший теркаме лоаттаду. Насосаш хувцар - из юртара инженерни даькъ тӀара хьалаш тоадара беш болча балха цхьа дакъа да.
