Хоржамашта хетабаь гойтам дӀаболабир вайцига
15.03.2024 13:20
РФ Президента хоржамаш долча дийнахьа мехка гӀолла гойтама болх дӀаболабир вай мехкарча гӀо деш лелараша. Вахара оагӀонашка «Со волонтёр» Кхаж тоссаргба вай цхьана РИ» яха хэштег увттаеш, шоай сурташ Ӏочуувттаду гӀо деш лелараша. Из хоам тха «Сердало» газетага бир РЦД доакъашхоша.
«Из марафон оттаяра бахьан да; берригаш, цхьа барт кхийтта, хоржамашка хьабахкийтар. Иштта дола хӀама зийча дикагӀа хьабахка тарлу мехкахой боккхача мехка доал дергдола саг харжа», - йоах тхогарча хоамо.
«Шоай лоӀаме гӀо деш лелача цу наха даьр пайда боацаш дусаргдац, аьнна, дог тийша ва со. Ерригача Россена дӀагойтаргда вай, ГӀалгӀай республикера кагирхой хоржамашка дакъа лоацаш, цу гӀулакха лоархӀам беш болга», - дийцар тхога РЦД кулгал деча Галай Назира.
