Из карарча шера тоаяьчарех, цаI, керттерчарех лоархIаш я.

Шахьара Iаьдало цу салоIама моттига лаьрхIа дола дакъа дикка, доккхагIа чулаьцар, цига гIандаш а, нувхаш чутовса хIама а оттайир, урама тIара сердал а хийцар кердачунца, салоIама моттиг чулоацаш хоза плитка а йиллар, цул совгIа, йоккха йоаца фонтан а йир.

Из фонтан цига хилар чIоагIа лерхIаме да, хIана аьлча, наха а берашта а цунах хоза салоIам хул. Из доацаш а, тIера а чура а кхерамзлен оагIув юкъе а лоацаш хоза кулг теха кийчъяьй из.

Теша лов, дIахо йодача хана, вай кагийбарашта цунах дика салоIама моттиг хургья аьнна.