МЧС болхлой хилар, Пхьилекъонгий-Юрта яьнна цӀи йоаеш
02.09.2024 12:20
Йокъаенна лаьттача баьцех цӀи яьлар Пхьилекъонгий-Юрта. Наьсарерча № 1 йолча МЧС оагӀон болхлой оарцагӀбахар цига.
«ДӀадахача кӀира вай республике 14 моттиге, цӀи яьнна, хатар хилар. Даьла къахетамца, саг лозаваь моттиг яц. ЦӀерцара хатараш тӀехьарча хана геттара даьржад, цӀи яла тарлуча бахьанех бахархой лоралургболаш болх дӀакхухьаш ба МЧС болхлой.
Боккъал а дита кхаьч-кхаьчача цӀераш етта гӀулакх, цӀи бокъонца дӀаяйнилга хайча мара, юхера дӀа ма аха, салаӀа Ӏохайшача моттиге йийза цӀи хий ӀотӀатехе дӀайоае», - дийцар «Сердало» газетага МЧС болхлоша.
